تورکو کیتابلار

تورکجه‌میزین گئنیشلنمه‌سینه، گوجلنمه‌سینه یاردیم ائدن اثرلرین یایماسی، «حکیم نظامی گنجه‌ای» نشریاتی‌نین لاپ اؤنملی آماجلارینداندیر.
بو یاییلما، بدیعی ادبیاتدا اثر یارانماسینا همده بارینماسینا یاردیم ائده‌جک. بدیعی ادبیاتین بیر ایشی – بلکه ده لاپ آز ایشی – بیر میلتین مدنیتینی، اؤنملی اولایلاردا داورانیشینی، دوزگون گله‌جه‌یین اویغون یوللارینی، اؤزللیکله یولوندان جایدیغی آنلارینی گؤسترمکدیر. بئله‌لیکله بدیعی ادبیات آداملارین دوشونه‌جه‌یینی ایتیلتمکله، یان–یؤره‌سینه نئجه باخماغی همده دوست–دوشمنینی تانیماغی اونا اؤیره‌دیر.
بونا گؤره ادبیاتیمیز داها دا گلیشسین دئیه، بیزدن قاباقکیلارین یاراتدیقلاری رومانلاری، قیسسا حیکایه‌لری، نثرلری آنا دیلیمیزده یایماق ایسته‌میشیک. بو قونولاردا آتا–بابامیز چالیشسالار دا، دنیانین سورعتله قاباغا سورولوب ده‌ییشیلمه‌سیندن تؤرنن بوشلوقلار دولماییب هله.